ممكن أشرب سيجارة لو سمحت !!!!!

كتير أوي بنسمع الكلمة ده من ناس بيحترموا خصوصيتك وبيستأذنوك حتي وإن كانت حاجه مزعجة زي السجاير

لكن الغريب جدا إنك لو قابلت واحدة بتسأذنك وتطلب منك الطلب ده
فعلا هتبقا حاجه غريبه جدا وشاذه
....................
لكن الأغرب منها فعلاً لو كانت اللي بتقول كده واحدة منتقبة (تبقا كارثة )

فعلاً كارثة بكل المقاييس .. قريت مقالات كتير لصحفيين وكتَاب في بلدنا المحروسة قرفانين من النقاب
قال يعني مش عاجبهم شكل المجتمع اللي انتشر فيه النقاب وأصبح ظاهرة
كنت دايما بقول إنهم جهلة ومش فاهمين حاجه وبيتكلموا عن خصوصيات مش من حقهم يتكلموا عنها

لكن أنا شخصيا لما شفت واحدة منقبة بتطلب الطلب ده (يعني بتستأذن إنها تشرب سيجارة ) حزنت
قلت هيا الدنيا جرالها ايه وليه الحالة متشقلبة , هوا مين اللي طيب ومين اللي مش طيب
ايه التناقض الغريب ده .... حاجه تجنن
بجد أنا أتقرفت أول ما سمعت الكلام ده بس رديت عليها في وقتها (إنتي لابسة نقاب ليه طالما بتشربي سيجارة )
قالتلي ( لابساه غصب عني )
-- فكرت في موضوع المقالات اللي قريتها من الكتاب العلمانيين في بلدنا

قلت بس هما شافوا اللي التناقض اللي انا شفته بس للأسف رغم أنه استثناء

إلا إنهم أستخدموه علي سبيل التعميم
فأصبح كل واحدة منقبة عندهم سواء يعني كلهم زي بعضهم ونسيوا إن لكل قاعدة شواذ وإستثناء

ربنا يحفظنا ......

إحنا أتقابلنا قبل كده

أنا والمشاكل كل ماتقابلني مشكلة بحس إني شفتها قبل كده ,,
وبحس بتعاطف شديد مش عارف إيه السبب من المشكله اللي بمر بيها (جايز بيصعب عليها حالي )
لكن المهم .. حاولت مرة أدور علي حل للمشاكل ده وأخلص منها وأعيش بدون مشاكل
سألت واحد صحبي أعمل إيه يا حلا ل العقد دبرني .. قاللي يابني روح إتجوز وإنت تلاقي مراتك هيا اللي تحل لك مشاكلك
واحد تاني قالي لاء ده هتزود مشاكلك ..
صحيح أنا عارف إن ده واقع الحياة وإن الحياة مفهاش جانب مشرق دايماً عشان كده الواحد لازم يتقبل كل الظروف والمشاكل بعيد عن حلول العقد

لماذا لا نحترم الوقت ؟؟!!!

أمر يثير الحيرة والتساؤل لدي كثيرا , لماذا نحن هكذا ؟
لماذا لا نحترم الوقت ! هل هذا من ثمار تخلفنا في ذيل الأمم أم أنه من أسباب تأخرنا في كل مجالات الحياة ..
- بل الأدهي من ذلك أن عدم إحترام الوقت أصبح ثقافة عندنا بل وجزءاً من حياتنا فلم يعد هذا الأمر إستثناءاً بل الإستثناء هو أن تحافظ علي الوقت وتحترم قيمته , بالنسبة لك وللآخرين ., في الوقت الحالي يمكن أن يكون إحترام الوقت أحد العوامل التي يقاس علي أساسها تقدم الأمم والشعوب وقرأت يوماً مقولة للأستاذ البنا يقول (الوقت هو الحياة ) الحياة بكل مشتملاتها تتوقف علي قيمة الوقت فإن كان للوقت قيمة وأهمية أصبح لكل شئ قيمة وحساب .
قال لي صديقي ذات مرة إن عدم إحترام الوقت ثقافة موروثة لدينا وتغييره يحتاج إلي أجيال وأجيال كما يحتاج منَا إلي ثورة علي كافة المعتقدات التي توارثناها وتناقلناها في موروثاتنا الشعبية , فقلت له أنا أيضاً أوافقك الرأي ولكني أعتقد أيضاً أن هذا الواقع مرتبط بعوامل كثيرة أخري تهيمن علي حياتنا , مثل العوامل السياسية والإقتصادية والإجتماعية وكلها متداخلة فيما بينها ومتشابكة لدرجة التعقيد مما يجعلنا نشعر أننا نعيش أمراً واقعاً يصعب تغييره ومعالجته