تتجوزيني يا حرية ؟!!!وليه تفكري ؟!
لازم تقبلي بلا تفكير أو تدبير ..
لأني بصراحه معنديش بديل ومفيش غيرك عندي مثيلعارفه أول مرة شفتك ..
قلت إنك حاجة حلوة بس غالية .
.قلت يمكن ييجي يوم تبقي ملكي تبقي عايشة ليا وحدي
بس أهلك هما مين ؟! هما فين ؟! هما ليه ؟!
وهما أمتي كانوا أهلك ولا حتي كانوا ليه ؟!
طيب إنتي عايشة فين ؟
يمكن إنتي جوا قلبي ! جوا عقلي !
أو حتي يمكن حلم كان
.كلمة (الحرية) غالية قالها خالي وقالها عمي !
وحتي صحبي قاللي : إنسي .. / أنسي أيه ؟! أصل نفسي قاللي إنسي حتي نفسك ..
قلت : قصدك غريب و كلامك مريب
قاللي : روح الهايكستيب وانت تعرف عن قريب
قلت:آآخ يظهر إني بقيت في ورطة ..
وحلمي كله كان ده غلطة مهما كانت الأماني برضه الحرية غالية
وحتي ده ضريبتها عاليةيبقا زي ما صحبي قاللي !! يبقا لازم فعلاً أنسي
ليست هناك تعليقات:
إرسال تعليق